Home / اردو ادب / تیرا تے گلزار سجن اے ،

تیرا تے گلزار سجن اے ،

*ڈاکٹر اظہار احمد گلزار۔۔۔۔۔دی پنجابی شاعری*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*تیرا تے گلزار سجن اے ، بھانویں ہور اظہار بڑے نیں*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

*بحوالہ : “نیندوں سکھنی اکھ “۔۔پنجابی شعری مجموعہ*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دیس چہ رشوت گھٹ نہیں سکدی
عادت بھیڑی ہٹ نہیں سکدی

ہار جاوے جو ہمت اپنی
فوج محاذ تے ڈٹ نہیں سکدی

ایس عہد وچ بناں سفارش
زندگی سوکھی کٹ نہیں سکدی

طوطا مینا پڑھ جاندے نیں
سبق توں گھگھی رٹ نہیں سکدی

نفع گیر سب تاجر ٹولی
تھوڑے پیسے وٹ نہیں سکدی

قوم نوں شاہیں کہے لہوری
گھاہ دی تڑ جو پٹ نہیں سکدی

اظہار بنی اس قوم دا بندہ
آپس وچ جو پھٹ نہیں سکدی

(ڈاکٹر اظہار احمد گلزار )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ (غزل )۔۔۔۔۔۔۔ ڈاکٹر اظہار احمد گلزار

سکھاں دی نہ منگ دعا
دکھاں نوں وی میت بنا

ہجر حیاتی لمبی اے
کسراں پینڈا لواں مکا

سر تے سوچ دا پہرا اے
آوے کیتھوں ٹھنڈی وا

خشی وی جیکر مل جاوے
تاں وی اکھیوں نیر وہا

جگ وچ بھانویں نھیرا اے
فر وی آس دے دیپ جلا

دکھ کسے نوں مول نہ دے
بری ہندی دکھیے دی ہاہ

ہنجوواں دا ہڑھ روہڑے نہ
میرے لئی توں کریں دعا

کھیسہ جے کر پر اظہار
سجھدی نویویں نویں ادا

(ڈاکٹر اظہار احمد گلزار )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غزل ۔۔۔۔۔۔۔۔۔ڈاکٹر اظہار احمد گلزار

ایہہ دنیا ایک تلکن بازی
کر لئیو اپنے رب نوں راضی

اوہدا پیار ای دولت اے
چھڈو چھیتی عشق مجازی

اوہدے جلوے رنگ برنگے
لال ہووے یا سبز پیازی

اوہدیاں اوہو جان دا اے
کون اے حاجی ، کون نمازی

نیہوں کے ملنا چنگا ہندا
چنگی نہیں اے دست درازی

پیار دی سانجھ ودھائی جاون
عربی ، عجمی نال حجازی

باسی دا نہیں مل اظہار
ہر کوئی منگ دا روٹی تازی
۔۔۔،۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل ۔۔۔۔۔۔۔ڈاکٹر اظہار احمد گلزار

انج آکھن نوں یار بڑے نیں
مونھ تائیں کرن پیار بڑے نیں

جیہڑے مکھ پرتا جاندے نیں
ایسے وی دلدار بڑے نیں

پیار جو کر دے سمجھ عبادت
اوہناں دے لئی ہار بڑے نیں

اپنے لہو دی کھچ نرا
آسے پاسے گھار بڑے نیں

ورلے توڑ نبھاوندے ڈٹھے
کر دے قول قرار بڑے نیں

جسماں والے گھٹ نے ایتھے
روحاں دے بیمار بڑے نیں

توں نہیں پچھدا تے کیہہ ہویا
پچھن والے سار بڑے نیں

کر کے کم وکھاندے تھوڑے
گلاں دے سردار بڑے نیں

تیرا تے گلزار سجن اے
بھانویں ہور اظہار بڑے نیں

(ڈاکٹر اظہار احمد گلزار )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

About Babar

Babar
I am Babar Alyas and I’m passionate about urdu news and articles with over 4 years in the industry starting as a writer working my way up into senior positions. I am the driving force behind The Qalamdan with a vision to broaden my city’s readership throughout 2019. I am an editor and reporter of this website. Address: Chak 111/7R , Kamalia Road, Chichawatni, Distt. Sahiwal, Punjab, Pakistan Ph: +923016913244 Email: babarcci@gmail.com https://web.facebook.com/qalamdan.net https://www.twitter.com/qalamdanurdu

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے