Home / پاکستان / اک ہور چنگا بندہ ٹُر گیا۔۔۔

اک ہور چنگا بندہ ٹُر گیا۔۔۔

رب سوہنا جنتاں چہ گھر دیوے۔
📕📕📕📕📕
بشکریہ
قاسم سرویا
📕📕📕📕📕
طارق عزیز
جنمستھان : ساہیوال, پنجاب
جمن دیہاڑا : 28 اپریل 1936
مرن دیہاڑا: 17 جون 2020
کم : اداکار، سیاستدان، ٹی وی میزبان
گن : پنجابی شاعر
اعزاز : تمغا حُسنِ کارکردگی
طارق عزیز اک ٹی وی میزبان، اداکار، خبراں پڑھن والے، سیاست دان تے پنجابی دے شاعر سن۔ 1964 وچ پاکستان وچ ٹیلی ویژن سروس شروع ہوئی تے طارق عزیز پی ٹی وی دے پہلے اناؤنسر بنے۔

پڑھائی:
طارق عزیز نے مُڈھلی تعلیم ساہیوال توں حاصل کیتی تے بعد وچ گورنمنٹ کالج ساہیوال وچ داخل ہوئے۔

پیشہ ورانہ زندگی:
طارق عزیز نے ریڈیو پاکستان لہور توں اپنی پیشہ ورانہ زندگی دا اغاز کیتا۔ جد 1964ء وچ پاکستان ٹیلی ویژن قائم ہویا تاں طارق عزیز پی ٹی وی دے سبھ توں پہلے اناؤنسر بنے فیر 1975 وچ شروع کیتے جاݨ آلے اوہناں دے سٹیج شو نیلام گھر نے اوہناں نوں شہرت دیاں بلندیاں تے پہنچا دتا۔ ایہ پروگرام ہُن تک چل رہیا اے۔ پہلے ایہدا نام نیلام گھر فیر طارق عزیز شو تے بعد وچ بزمِ طارق عزیز رکھ دتا گیا۔ ہُن بزم طارق عزیز دے نام نال اک شو چلا رہے سَن ۔ طارق عزیز نے ریڈیو تے ٹی وی پروگراماں توں علاوہ فلماں وچ وی اداکاری کیتی۔ اوہناں دی سبھ توں پہلی فلم انسانیت (1967) سی تے اوہناں دیاں دوجیاں مشہور فلماں سالگرہ، قسم اس وقت کی، کٹاری، چراغ کہاں روشنی کہاں ، ہار گیا انسان نیں۔ اوہناں دی فنی خدمات دے اعتراف وچ حکومتِ پاکستان ولوں اوہناں نوں بہت سارے اعزازات وی مل چکے نیں۔ 1992 وچ تمغا حُسنِ کارکردگی وی ملیا۔

سیاست:
طارق عزیز سیاست وچ وی دلچسپی رکھدے سن۔ طارق عزیز نے کالج دے زمانے وچ ای سیاسی سرگرمیاں وچ حصہ لینا شروع کردتا۔ 1997 وچ پاکستان مسلم لیگ ن ولوں الیکشن جِت کے قومی اسمبلی دے ممبر بن گئے۔ 1999 وچ فوج دے ہتھوں مسلم لیگ (ن) دی حکومت ختم کردتی گئی۔ طارق عزیز نوں سپریم کورٹ دیاں کندھاں ٹپن تے اوہدی توہین کرن دے الزام دا سامنا وی کرنا پیا۔ طارق عزیز دی گھر آلی ہاجرہ طارق 2002 توں 2007 تک مسلم لیگ ق ولوں قومی اسمبلی دی ممبر رہی۔

پنجابی شاعری تے لِکھتاں:
طارق عزیز اک ادب تے علم دوست شخصیت سن۔ اوہناں دا مطالعہ بہت سی۔ اوہناں دے کالماں دا اک مجموعہ ’’داستان‘‘ دے نام توں تے پنجابی شاعری دا مجموعہ ’’ہمزاد دا دکھ‘‘ چَھپ چکیا اے۔ اوہ اپنی مادری زبان پنجابی وچ شاعری کردے رہے۔
قاسم سرویا نے ویکیپیڈیا توں لیا۔

About Babar

Babar
I am Babar Alyas and I’m passionate about urdu news and articles with over 4 years in the industry starting as a writer working my way up into senior positions. I am the driving force behind The Qalamdan with a vision to broaden my city’s readership throughout 2019. I am an editor and reporter of this website. Address: Chak 111/7R , Kamalia Road, Chichawatni, Distt. Sahiwal, Punjab, Pakistan Ph: +923016913244 Email: babarcci@gmail.com https://web.facebook.com/qalamdan.net https://www.twitter.com/qalamdanurdu

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے